Боксын Ази тивийн аварга шалгаруулах тэмцээн Монгол Улсын нийслэл Улаанбаатар хотноо өчигдөр эхэлсэн. Өнөөдөр эмэгтэй -57, -60 кг болон эрэгтэй -55 кг жингийн тулаанууд болно. Эрэгтэйчүүдийн -55 кг-ын жинд өрсөлдөж байгаа Х.Билгүүнсайхан эхний тулаанаа Филиппин улсын тамирчинтай хийнэ. Харин эмэгтэйчүүдийн -60 кг-д өрсөлдөж байгаа М.Намуун Тажикстаны тамирчинтай тулалдана.

Тэмцээний эхний өдөр эмэгтэй -51, -54 кг болон эрэгтэй -70 кг жингийн тамирчид эхний тулаанаа хийсэн. Монгол боксчдын салхийг хагалж ОУХМ О.Бямба-Эрдэнэ өчигдөр Филиппин улсын тамирчинтай тулалдаж ялалт байгуулсан.