Ховд аймаг 2026 оныг "Хүний хөгжлийг дэмжих, иргэдийн амьдрах орчныг сайжруулах жил" болгон зарласан. Уг шийдвэртэй холбогдуулан нийгмийн үндсэн нэгж болох гэр бүлийн хүрээлэл, хүүхдийн хөгжил, төлөвшилд сөргөөр нөлөөлж байгаа хүнчийн зүйлийг багасгах, гэр бүлийн гишүүд бие биедээ чанартай цаг зарцуулах, анхаарал халамжийг нэмэгдүүлэх, гэрээр өвлөгдөх уламжлалт болон орчин үеийн соёлыг түгээн дэлгэрүүлэх зорилгоор долоо хоногийн амралтын өдрүүдийг "Гэр бүлийн өдөр" болгон тэмдэглэх захирамжийг Аймгийн Засаг дарга гаргасан байна.

Амралтын өдрүүдэд төрийн болон төрийн бус байгууллага, аж ахуй нэгж, ажил олгогчид хамтын гэрээний дагуу, хөдөлмөрийн дотоод журамд заасны дагуу зайлшгүй шаардлагатайгаас бусад ажилтан, алба хаагчдыг амралтын өдрүүдэд оролцуулсан ажил, арга хэмжээ зохион байгуулахгүй байхыг үүрэг болгосон байна.