Кэвин Дурант бүх цагийн үеийн оноо авалтаар домогт М.Жорданыг гүйцэж бүх цагийн үеийн тавдугаар байранд бичигдэж эхэллээ. Ингэснээр түүний дээр К.Брайант, К.Малоне, Карим Абдул-Жаббар, Л.Жэймс нар бичигдэж байна.
К.Дурант 2007 оны драфтын нэгдүгээр тойргийн хоёр дахь сонголтоор "Seattle SuperSonics" багт нэгдэж байсан. Карьерынхаа туршид хоёр удаа аваргын цомыг өргөж, дөрвөн удаа бүх онооны аварга, 16 удаа бүх одод тоглогч болж байжээ. 18 улирал тоглохдоо 1190 тоглолтод оролцож 27.1 оноо, 6.9 самбар, 4.4 ашигтай дамжуулалт дунджилжээ. Харин энэ улиралд 67 тоглолтод оролцож 25.7 оноо, 5.4 самбар, 4.4 ашигтай дамжуулалт дунджилж байна.
