Монгол Улсын Шадар сайд, Улсын онцгой комиссын дарга Х.Ганхуяг Өвөрхангай аймагт ажиллах хугацаандаа Онцгой байдлын газрын үйл ажиллагаатай танилцаж, Гал түймэр унтраах, аврах 12 дугаар анги болон Эрэн хайх, аврах салбарт ашиглагдаж буй машин техник, тоног төхөөрөмж , багаж хэрэгсэлтэй танилцаж бэлтгэл бэлэн байдлыг шалгалаа.
Түүнчлэн Онцгой байдлын байгууллагын алба хаагчдын хөдөлмөр зүтгэлийг үнэлж, Шадар сайдын нэрэмжит шагналаар шагнан урамшуулсан юм. Үүнд:
Сургалт хариуцсан мэргэжилтэн, ахлах дэслэгч Г.Алтанцэцэг-ийг “Тэргүүний ажилтан” тэмдгээр, Гал түймэр унтраах, аврах 12 дугаар ангийн аврагч, гал сөнөөгч, ахлах ахлагч А.Батсүх-ийг “Онц гал сөнөөгч” тэмдгээр тус тус шагналаа.
