Маргааш буюу ням гарагт Бөхийн өргөөнд сар шинийн сорилго барилдаан болох гэж байна. Тус барилдаанд Улсын аварга О.Хангай, Улсын арслан Б.Орхонбаяр, Ц.Бямба-Отгон, Р.Пүрэвдагва тэргүүтэй 256 бөх зодоглоно.

Харин Улсын арслан Э.Батмагнай дээрх барилдаанд бүртгүүлээгүй байна. Учир нь тэрбээр Япон Улсад зохион байгуулагдаж буй Хакүхо М.Даваажаргалын нэрэмжит "Хакүхо кап" тэмцээнд оролцож байгаа юм.