Тэрбээр өнөөдөр Хан-Уул дүүргийн 9, 10, 16, 25 дугаар хорооны иргэд, сонгогчидтой уулзалт хийж, УИХ-ын гишүүний хувиар хэрэгжүүлж буй бодлогын ажлууд, санаачлан боловсруулж буй хуулийн төслүүдийн талаар танилцуулан иргэдийн санал, байр суурийг сонслоо.

Уулзалтын үеэр иргэдийн тулгамдсан асуудлууд, ялангуяа ахмад настнуудын тэтгэврийн асуудал, түүнчлэн улс орны эдийн засгийн хүндрэл иргэдийн амьжиргаанд хэрхэн нөлөөлж буй талаар нээлттэй яриа өрнүүлэв.

Мөн дүүргийн удирдлагуудыг оролцуулан дүүргийн түвшинд шийдвэрлэх боломжтой асуудлуудыг хэлэлцэж, холбогдох арга хэмжээг авч, шийдвэрлэхээр боллоо.