УИХ-ын Хүний хөгжил, нийгмийн бодлогын байнгын хорооны хуралдаан 09.00 цагаас товлогджээ. Өнөөдрийн хуралдаанаар нэг асуудал хэлэлцэх бөгөөд УИХ-ын гишүүн Т.Мөнхсайханы санаачлан өргөн мэдүүлсэн Сургуулийн орчны эрүүл мэнд, аюулгүй байдлын тухай хуулийн төсөл болон хамт өргөн мэдүүлсэн хуулийн төслүүдийг УИХ-аар хэлэлцэх эсэхийг шийдвэрлэх аж.

Дээрх хуулийн төсөл батлагдсан тохиолдолд сургуулийн орчинд суралцагчийн эрүүл мэндийг хамгаалах, дэмжих, эрүүл аюулгүй, орчинд сурч боловсрох нөхцөлийг бүрдүүлэх, эрүүл зан үйлийг төлөвшүүлэх, аливаа өвчин эмгэгээс урьдчилан сэргийлэхэд чиглэсэн үйл ажиллагааг зохион байгуулах, хэрэгжилтэд хяналт тавихтай холбогдсон харилцааг зохицуулах боломж бүрдэнэ гэж үзжээ.