Хотын дарга асан Э.Бат-Үүл Монгол ардын намыг татан буулгах талаар байр сууриа илэрхийллээ. Тэрбээр цахим хуудаснаа "Ардчилсан хувьсгалаар МАН-ыг татан буулгаагүй" гэж намайг буруутгадаг явдал сүүлийн үед улам хүчээ авч байна. Тохироо бүрдэж байна гэсэн үг. Ийм учраас би МАН-ыг татан буулгах тэмцэл хийх цаг нь болсон гэж үзэж хөдлөхөөр шийдэв. Юуны түрүүнд, МАН-ыг татан буулгах тухай Ерөнхийлөгч асан Х.Баттулгын зарлиг хүчин төгөлдөр хэвээрээ байгаа. Энэ зарлигийг хэрэгжүүлэхийг шүүхээс шаардаж жагсаал зохион байгуулна. Энэ арга хэмжээнд дэмжиж оролцох уу, залуус аа. МАН-ыг татан буулгахгүйгээр "Нүүрсний хулгайч" нартай тэмцэх ажил амжилт олохгүй. Учир нь МАН тэр чигтээ нүүрсний хулгайч" гэв.