УИХ-ын Төрийн байгуулалтын байнгын хорооны хуралдаанаар Ерөнхий сайд Г.Занданшатарыг огцруулахыг 86.4 хувийн саналаар дэмжээгүй. Гэвч УИХ-ын чуулганы хуралдаанаар дээрх асуудлыг хэлэлцэн эцэслэх гэсэн боловч санал хураалтын асуудлаар маргаан үүсээд байгаа юм.
Тэгвэл ШЕЗ-ийн дарга асан Н.Лүндэндорж "Үндсэн хуулийн 43.1-д Ерөнхий сайдыг огцруулах процедурыг тодорхой заасан шүү. Түүнийг сайн анзаарахгүй байж байгаад Үндсэн хуулиа зөрчив өө. ТББХ-ны санал дүгнэлтээр санал хураахгүй. Үндсэн хуульд зааснаар огцруулах асуудлыг гишүүд тавьсан учраас нийт гишүүдийн олонхоор зөвхөн огцруулах уу гэсэн асуудлаар санал хураалт явуулж, 64 гишүүн дэмжсэн эсэхээс Ерөнхий сайд огцрох эсэх хамаарна. Үүнээс өөрөөр ямар ч байдлаар санал хураах боломжгүй байдлаар Үндсэн хуулийн 2019 оны нэмэлт өөрчлөлтөөр процессжуулах зохицуулжээ" гэжээ.
