Хөл бөмбөгийн хамгийн нэр хүндтэй шагналуудын нэг болох Баллон д’Ор 2025-ын эзэн өнөөдөр Парисын Theatre du Chatelet-д дээр тодрохоор болжээ. Өнгөрсөн улирлын үзүүлэлтүүд дээр үндэслэн нэр дэвшсэн 30 тоглогчоос тус шагналд хүчтэй өрсөлдөх зургаан тоглогчийг танилцуулж байна.

ПСЖ багийн тоглогч Усман Дембеле:

• 53 тоглолтод 35 гоол, 14 дамжуулалт өгсөн
• Мөн ПСЖ-ийг анх удаа Европын аварга болгосон,
• Лиг 1-ийн улирлын шилдэг тоглогч, Аваргуудын лигийн улирлын шилдэг тоглогчоор тодорч байсан.

Бавари Мюнхен багийн тоглогч Харри Кейн:

• 51 тоглолтод 41 гоол оруулж 12 дамжуулалт өгсөн
• Бундеслигийн мэргэн бууч болж, Баварийг аварга болоход гол үүргийг гүйцтэгсэн.
• Зөвхөн есдүгээр сард 11 хоногийн дотор 10 гоол оруулж, гайхалтай амжилт үзүүлсэн.

Реал Мадрид багийн амин сүнс Килиан Мбаппе:

• 59 тоглолтод оролцож 44 гоол оруулсан
• Ла Лигагийн мэргэн бууч болж багаа аварга болгосон
• Манчестер Ситигийн эсрэг Аваргуудын лигийн плей-оффт хет-трик хийсэн.
• Францын шигшээ багтай 50 гоолын босгыг давсан гурав дахь тоглогч болсон

Барселонагийн Рафинья:

• 57 тоглолтод 34 гоол оруулж 22 дамжуулалт өгсөн
• Барселонаг гурвалсан түрүү (Ла Лига, Копа дель Рей, Суперкупа)-д хөтөлсөн
• Аваргуудын лигийн 13 гоолоор мэргэн бууч, Ла Лигагийн улирлын шилдэг тоглогч болсон.

Ливерпүүл багийн тоглогч Мохаммед Салах:

• 52 тоглолтод 34 гоол оруулж 23 дамжуулалт өгсөн
• Ливерпүүлийг Английн аварга болгож, Премьер лигийн 38 тоглолтын улирлын хамгийн өндөр гоолын оролцооны рекордыг (47) эвдсэн
• Алтан гутал хүртсэн (4 дэх удаагаа) бөгөөд Премьер лигийн улирлын шилдэг тоглогч болсон

Барселонагийн залуу ямаа Ламине Ямал:

• 55 тоглолтод 18 гоол оруулж 21 дамжуулалт өгсөн
• 18 настай ч Барселонаг гурвалсан түрүү хүртэхэд чухал үүрэг гүйцэтгэсэн
• Ла Лигагийн сарын шилдэг тоглогч, Аваргуудын лигийн улирлын шилдгүүдийн багт нэрлэгдсэн

Энэ зургаан тоглогч энэ жилийн Баллон д’Ор-ыг авах хамгийн өндөр магадлалтай өрсөлдөгчид юм. Тус шагналын эзнийг нь хэн болохыг даваа гарагт болох ёслолын үеэр тодруулах юм.