Ливерпулийн довтлогч Мохамед Салах улирлын эхнээс хамгаалалтын үүрэгтээ бүрэн анхаарахгүй байгаа нь багт асуудал үүсгээд байна. Түүнийг довтолгоондоо өндөр ач холбогдол өгөх шийдвэрийг менежер Арне Слот гаргасан нь Салахын оноо авах чадварыг нэмэгдүүлж байгаа ч баруун талын хамгаалагчид 2v1 нөхцөл үүсгэж, багаа эрсдэлд оруулж байна.
Өнгөрсөн бямба гарагийн Челси-гийн тоглолтод Салах хэд хэдэн удаа Челси багийн зүүн хамгаалагч Марк Кукурелла-г хамгаалах үедээ алдаа гаргаж байсан нь баруун талын хамгаалагчийг сул талд оруулж, Челси-д ялалтын гоол хийх боломжийг олгосон. Энэ нь Салахын хамгаалалтын үүрэгт анхаарал хязгаарлагдсантай холбоотой бөгөөд Ливерпулийн тоглолтод гол “сул цэг” болжээ.
Гэхдээ асуудлын гол нь зөвхөн Салахын хамгаалалтын үүрэгт оршихгүй. Ливерпуль багийн зохион байгуулалт, хагас хамгаалагчдын нөхсөн хамгаалалт удаан байгаагаас баруун талд сул тал үүсэж, өрсөлдөгчид давуу байдалтай болдог. Салах өндөр байрлалд байж довтолгоондоо оролцож байгаа ч Райан Гравенберч болон Алексис Мак Аллистер нарын хоцролт нь хамгаалалтын хоосон зайг улам ихэсгэж, эсрэг багуудын довтолгоог амархан үргэлжлүүлэх нөхцлийг бүрдүүлдэг.
Ливерпуль багийн хамгаалалтын зохион байгуулалт өмнөх улирлаас илт өөр болж, тоглолтын хяналт алдагдаж буй нь сүүлийн тоглолтуудад харагдаж байна. Салахын довтолгооны форм сүүлийн үед төгс бус байгаа ч боломжуудыг бий болгож, гоол олох боломжоо хадгалсаар байна. Багийн хувьд илүү том асуудал нь тоглолтыг хянах чадвар алдагдсан, хамгаалалтын байрлал тогтворгүй болсон явдал юм. Салахын хамгаалалтын үүрэг нөлөө нь довтолгоонд давуу тал авчирч байгаа ч багийн бүтцийн асуудлыг тодотгож байна.
Менежер Слотын шийдэл нь багийн хэв маягийг үндсээр нь өөрчлөх бус, харин тэвчээртэй, төвлөрсөн тоглолт, бие бялдрын бэлтгэл сайжруулах, талбай дээрх харилцаа холбоог бий болгох явдал гэнэ. Тухайлбал, Александер Исаак, Алексис Мак Аллистер, Конор Брэдли, Хьюго Экитике нарын бие бялдрын бэлтгэл болон тоглолтод дасах харилцаа холбоо чухал.
Салах болон Ливерпуль багийн асуудлуудыг харгалзан үзэхэд, өнөөгийн нөхцөл байдал нь богино хугацааны асуудал юм. Ливерпуль одоо Аваргуудын лигийн лидер Арсенал-аас ганцхан оноо хоцорч байгаа тул улирлын туршид тоглолтын зохион байгуулалт сайжирч, хамгаалалтын хоосон зайг арилгах боломжтой.
