УИХ-ын чуулганы өнөөдрийн хуралдаан эхэллээ. Өнөөдрийн хуралдаанаар 2026 оны төсвийн хүрээний мэдэгдэл зэргийг хэлэлцэнэ. Харин хуралдааны эхэнд УИХ-ын дэд дарга Х.Булгантуяа нийтийн өргөдлийг холбогдох байнгын хороонд шилжүүлж буй талаар танилцууллаа. Тодруулбал, иргэн Б.Номин "Эмч, багш нарын цалинг нэмэх Ажлын хэсэг байгуулах тухай" нийтийн өргөдлийг санаачилж, улмаар 33 мянгаас дээш хүний саналыг авчээ.

Иймд УИХ-ын Өргөдлийн байнгын хороо, Төсвийн байнгын хороо зэрэгт шилжүүлэхээр боллоо.