Улаанбурхан өвчний нөхцөл байдал, дархлаажуулалтын талаар ХӨСҮТ-өөс мэдэээлэл хийлээ. Аялал зугаалгын улирал эхэлсэн энэ өдрүүдэд иргэдийг гадаад руу аялал төлөвлөхөөсөө 14 хоногийн өмнө вакцинд хамрагдахыг тус төвийн Их эмч Н.Сувдмаа зөвлөлөө. Тэрбээр "Улаанбурхан өвчин нь халдварлалт өндөртэй, бусад улс оронд бүртгэгдсэн хэвээрээ байна. Сүүлийн зургаан сарын байдлаар хил залгаа ОХУ, эмчилгээ болон аялал жуулчлал, шашны зан үйлээр бүртгэгддэг Энэтхэг зэрэг улсад улаанбурханы халдвар өндөр бүртгэгдэж байна.
Зуны улиралд иргэд аялал төлөвлөхөөсөө 14 хоногийн өмнө вакцины мэдээллийг судалж өөрийн болон аялалын багтайгаа вакцинд хамрагдах шаардлагатай. Энэ өвчин нь вакцинаар сэргийлэгддэг.
Иргэд нийгмийн хариуцлагаа ухамсарлаж вакциндаа идэвхтэй оролцох зайлшгүй шаардлагатай гэлээ.
