ЦЕГ-ын Хэвлэл мэдээлэл, олон нийттэй харилцах хэлтсийн даргаар ажиллаж байсан дэд хурандаа Г.Пүрэвдэлгэр Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн даргаар томилогдсон.
Тэгвэл түүний оронд дэд хурандаа Д.Мөнххуягийг ЦЕГ-ын Хэвлэл мэдээлэл, олон нийттэй харилцах хэлтсийн даргаар томилжээ.
Д.Мөнххуяг нь өмнө нь хэсгийн төлөөлөгч, эрүүгийн төлөөлөгч, эдийн засгийн ахлах төлөөлөгч, эрүүгийн ахлах мөрдөгч, Санхүү, аж ахуйн албаны Төлөвлөлт, дотоод ажил хариуцсан чиглэлийн ахлах мэргэжилтэн, Архангай аймгийн цагдаагийн газрын дарга, Дотоод хяналт-аюулгүй байдлын газарт ахлах байцаагчаар ажиллаж байсан. Цагдаагийн байгууллагад 23 дахь жилдээ ажиллаж байна.
