Улс төрийн хүрээнд үүсээд буй цаг үеийн асуудалтай холбогдуулан Ерөнхий сайд Л.Оюун-Эрдэнэ итгэл үзүүлэх тогтоолоо УИХ-д хүргүүлсэн. Хууль журмын дагуу ирэх долоо хоногт УИХ-ын Төрийн байгуулалтын байнгын хороогоор хэлэлцэж, улмаар УИХ-ын чуулганы хуралдаанаар хэлэлцэн шийдвэрлэх юм.

Тэгвэл УИХ-ын гишүүн Б.Энхбаяр твиттер хуудаснаа МАХН-ын Ерөнхий нарийн бичгийн даргаар ажиллаж байсан Б.Даш-Ёндон УИХ дахь 1992-1996 оны МАХН-ын бүлгийн гишүүдэд хандаж бүлгийн хуралдаанд хэлсэн "Олон саналд бус оюун бодлоо түшиж ажиллах учиртай" гэх үгийг нийтэлжээ.