Аюулгүй байдал, гадаад бодлогын байнгын хороо хуралдаж, Монгол Улсын Засгийн газар, Бүгд Найрамдах Казахстан Улсын Засгийн газар хоорондын тэтгэврийн асуудлаар хамтран ажиллах тухай хэлэлцээрийг соёрхон батлах тухай хуулийн төсөл /Засгийн газар 2025.05.09-ний өдөр өргөн мэдүүлсэн, соёрхон батлах/ асуудлыг хэлэлцэж байна. Энэ үеэр Гэр бүл, хөдөлмөр, нийгмийн хамгааллын сайд Л.Энх-Амгалан "Улаанбаатарт барьж буй метротой холбоотойгоор энэ чиглэлд ажилласан туршлагатай 600 монгол залууг урьж буй юм билээ. Мега төслүүдээр дамжин шинээр бий болох эдийн засгийн салбарууд дээр ирж ажиллах хүсэл тэмүүлэл залууст байна" гэв.