МАН-ын Бага хурал түр завсарлалаа. Хурал тавдугаар сарын 21-ний 16.30 цагт эхэлсэн байдаг. Ерөнхий сайд ажлын тайлангаа тавьсны дараа гишүүд асуулт асууж, хариулт авч, дараа нь үг хэлэх процесс үргэлжилсэн.

21.00 цагийн үед хурал завсарласан бөгөөд гишүүдийн өгсөн мэдээллээр, хамтарсан Засгийн газрын гэрээг зөрчсөн АН-ыг Засгийн газраас гаргах эсэх асуудал хөндөгдсөн талаар мэдээлэл өгсөн юм. Тэгвэл дөнгөж сая "АН-ыг хамтарсан ЗГ-аас гаргаж, ЗГ-ыг шинээр бүрдүүлэхийг дэмжих эсэх" саналын томъёоллоор нууц санал хураалт явуулах гэсэн боловч саналын томъёолол дээр гишүүд санал нийлэлгүй хурал түр завсарлаад байна.