Улаанбаатар хотод утаа, түгжрэл иргэдийн толгойн өвчин болоод удаж буй. Тэгвэл Эн Ар Си Си ХХК-ийн энэ оны нэгдүгээр улирлын хэрэглэгчдийн итгэлийн индексийн тайланд замын түгжрэлийн талаар судлаач Б.Энх-Очир танилцуулав.

Судалгаанд хамрагдсан иргэдээс орон нутагт амьдардаг иргэдийн 81 хувь нь зам дээр огт түгжирдэггүй гэж хариулсан бол Улаанбаатар хотод амьдардаг иргэдийн 2.8 хувь нь огт түгжирдэггүй гэжээ. Тодруулбал, нийслэлд амьдарч буй иргэдийн 43.2 хувь нь замд байнга түгжирдэг бол 35.8 хувь нь их, 18.2 хувь нь хааяа гэж хариулсан байна. Харин орон нутагт амьдарч буй иргэдийн 81 хувь нь зам дээр түгжирдэггүй бол 6 хувь нь байнга, 6 хувь нь их, 6.3 хувь нь хааяа гэж хариулжээ.