Нийслэлийн Эрүүл мэндийн газраас үхлийн аюултай гэгдэх техникийн спиртийг уухгүй байхыг анхааруулсан. Харамсалтай нь Нийслэлийн Багануур дүүрэгт шалтгаан тодорхойгүй хордлогод 6 хүн өртөж, 2 хүн нас барсан байна. Тархвар судлалын асуумжаар метилийн спирт уусан байж болзошгүй байна. Хордлогод өртсөн дөрвөн хүнээс нэг нь Багануур дүүргийн ЭМТ-ийн сэхээнд эмчлүүлж байгаа бол гурав нь эмнэлэгт хэвтэн эмчлэгдэж байгаа юм байна.

Нийгмийн эрүүл мэндийн үндэсний төв, Багануур дүүрэг хамтран эрсдэлийн үнэлгээ хийхэд ДУНД зэргийн эрсдэлтэй гарсан. Нийслэлийн Эрүүл мэндийн хяналтын газраас 5 хүний бүрэлдэхүүнтэй баг ажиллаж байна. Иймд иргэд олон нийтийг архи тамхи зэрэг хорт зуршлуудаас зайлсхийхийг анхаарууллаа. Учир нь архи, спиртэд хордож нас барсан тохиолдол сүүлийн жилүүдэд нэмэгдсэн буюу 2020 онд 650 тохиодол байсан бол 2022 онд 1071 болж нэмэгджээ