Ерөнхий сайдын дэргэдэх Нийслэл Улаанбаатар хотын тулгамдсан асуудлуудыг шийдвэрлэх зорилго бүхий Шуурхай штабын VIII хуралдаан боллоо. Өнөөдрийн хуралдаанд Сэлбэ дэд төвийн газар чөлөөлөлт болон уг дэд төвийг түшиглэн орон сууцжуулах ажлын төлөвлөлтийг танилцууллаа.
Энэ үеэр нийслэлийн Засаг дарга Х.Нямбаатар "Сэлбэ дэд төвийн газар чөлөөлөлтийн ажил 68.8 хувьтай үргэлжилж байгаа бөгөөд 1300 орчим нэгж талбарын газар чөлөөлөлтийн дараах цэвэрлэгээг хийгээд байна.
Сэлбэ дэд төвийн хүрээнд нийт 158 га газрын 2206 нэгж талбарыг чөлөөлөх ажлыг хийж байгаа. Өнгөрсөн хугацаанд хийсэн газар чөлөөлөлтийн үр дүнд тухайн бүсийн агаарын бохирдол 22.1 хувиар буурсан гэсэн эерэг үзүүлэлт гарсан.
Орон сууцжуулах ажлыг 4 багц болгон хуваасан. Үүнээс эхний 1, 2-р багцын ажлын тендерийг зарлаад байна. Харин ирэх 7 хоногт 3, 4-р багцын тендерийг зарлахаар төлөвлөсөн" гэв.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!