Нийслэлийн Засаг дарга Х.Нямбаатар сар шинийн дараагаар түгжрэлтэй холбогдуулан "Монголчуудын явган явах дургүй сэтгэлгээг өөрчлөхгүй бол хэчнээн метро, нийтийн тээвэр хөгжүүлээд түгжрэл арилахгүй" хэмээн мэдэгдсэн нь олны шүүмжлэлийг дагуулсан. Тэгвэл тэрбээр эл байр сууриндаа "Дархан Улаанбаатар хооронд вагоноор явж, боломжтой үедээ алхаж хэвшье гэж хэлснийг МОНГОЛЧУУД ЗАЛХУУГААСАА БОЛЖ ТҮГЖРЭЛ ҮҮСГЭЖ БАЙНА гээд гуйвуулаад байх юм. Хандлага, сэтгэлгээгээ өөрчилж байж түгжрэлийн ард гарна биз дээ" гэх тайлбарыг хийв.