Өнөөдөр Сүхбаатар дүүргийн Засаг даргын Тамгын газраас сар шинийн баярыг угтан гавьяаны амралтаа эдэлж буй ахмадуудаа хүлээн авч хүндэтгэл үзүүллээ. Хүндэтгэлийн арга хэмжээнд дүүргийн Засаг дарга М.Алтангэрэл, Засаг даргын Орлогч У.Өнөрцэцэг, Засаг даргын Тамгын газрын дарга Ө.Энхбаяр нар оролцож, залуу халуун насаа улс, эх орон, нийслэл дүүргийнхээ хөгжил цэцэглэлт, бүтээн байгуулалтын төлөө зориулж ирсэн үе үеийн ахмадууддаа чин сэтгэлийн талархал илэрхийллээ. Ахмадууд маань хүлээлт дүүрэн уулзацгааж, ажил хөдөлмөр, аж амьдралын тухай хүүрнэн хөгжил хөөртэй, хууч яриатай, дуу хууртай, дурсамж дүүрэн байлаа.

Та бүхэн минь сар шинэдээ сайхан шинэлж, эрүүл энх, урт удаан наслаарай!