Онцгой дэглэмийн үед улс, хот хоорондын зорчигч тээвэрлэлтийг зогсоосон ч хүнс, эм тариа хилээр саадгүй нэвтэрч буйг албаны хүмүүс мэдээллээ. Түүнчлэн зөвхөн ачаа тээврийн онгоц нислэг үйлдэж байна.

Зам тээврийн хөгжлийн яамнаас мэдээлснээр, өнгөрсөн 24 цагийн байдлаар “МИАТ” ТӨХК Улаанбаатар-Бээжин, Бээжин-Улаанбаатар чиглэлд хоёр удаагийн карго нислэг үйлджээ. Мөн “УБТЗ” ХНН-ийн галт тэрэг хойд чиглэлд 9132 кг, урд чиглэлд 1825 кг ачаа тээвэрлэж, Бичигт, Баянхошуу, Замын-Үүдийн боомтоор уул уурхайн бүтээгдэхүүн экспортын 172 тээврийн хэрэгсэл хяналтын дор хэвийн зорчжээ. Өндөржүүлсэн бэлэн байдлын зэрэгт шилжин, тээврийн хэрэгсэл, замын хөдөлгөөнд хязгаарлалт хийсэн тул зөвшөөрөлтэй автомашин зорчих боломжтой.