Зам тээврийн ослоос урьдчилан сэргийлэх, замын хөдөлгөөнд оролцож буй иргэдийн аюулгүй байдал, хууль тогтоомжийн хэрэгжилтийг хангуулах зорилгоор нийслэлийн төсвийн хөрөнгөөр Улаанбаатар хотын 176 уулзвар цэгт хиймэл оюун ухаанд суурилсан 2600 гаруй камерын хяналтын системийг бүрэн үйл ажиллагаанд оруулжээ. Тус хяналтын камерийн системийг нэвтрүүлснээр зогс шугам давсан, эгнээ байр буруу эзэлсэн, хурд хэтрүүлсэн, үргэлжилсэн цагаан шугам давж эргэсэн зэрэг зөрчлүүдийг илрүүлж, баримтжуулах боломжтой болсон.