УИХ-ын гишүүн Ч.Лодойсамбуу Ерөнхий сайд Л.Оюун-Эрдэнийг огцруулах албан бичиг боловсруулж, УИХ-ын гишүүдээс гарын үсэг цугуулж эхэлсэн талаараа өнгөрсөн баасан гарагт /2025.02.07/ мэдээлсэн. Өнөөдрийн байдлаар Ерөнхий сайдыг огцруулах бичигт гарын үсэг зурсан гэдгээ УИХ-ын гишүүн Ж.Баярмаа, Ш.Бямбасүрэн нар мэдэгдсэн.

Тэгвэл УИХ-ын гишүүн Б.Найдалаа "Монголын зовлон бол тогтворгүй засаг төр, хөрөнгө оруулалтын найдваргүй орчин, дагаад нийгмийн итгэлцэл үгүй болж эх захгүй хөлөө жийлцсэн хэрүүл уруул, гурвалжин дөрвөлжин "тэмцэл", жижиг сажиг улс төр. Өөрсдийнөө алсаас харвал өчүүхэн жалга, хөгжлийн хоцрогдол. Үүнийгээ засч чадах нь Монголын эхний МЕГА төсөл юм" гэжээ.