Өнгөрсөн шөнийн тандалт судалгаагаар тээврийн товчоогоор орж ирсэн махны нийлүүлэлт хангалттай байгааг албаныхан хэллээ. Тодруулбал, шөнийн 02:00 цагаас бөөний төвүүдэд мах нийлүүлж эхэлсэн байна. Бөөний төвүүдээс зах, худалдааны төв, дэлгүүрүүдэд мөн нийлүүлэгдэж байна. Махны нөөц байхгүй гэх тайлбар тавьж зохиомол хомсдол үүсгэх, үнэ нэмэх аж ахуйн нэгж гарвал шууд хариуцлага тооцно гэдгийг Шударга өрсөлдөөн, хэрэглэгчийн төлөө газраас мэдээллээ.