АНУ-ын Ерөнхийлөгчийн сонгуульд ардчилсан намаас нэр дэвшигч Жо Байден ялалт байгуулсанд арлын Тайвань улс сэтгэл дундуур байна. Тэд Д.Трампын үед бий болгосон гүнзгий харилцаагаа Ардчилсан намын засаглалын үед алдах вий хэмээн эмээж буй. Ерөнхийлөгч Цай Ин Вен нь цахим хуудастаа АНУ-тай харилцаагаа хэвээр хадгалах ёстой, өмнөх хэлцлүүдийг хүчинтэй хэвээр үлдээх нь чухал гэсэн санааг илэрхийлсэн нь үүний нотолгоо болжээ.

Тайванийн бие даасан үзэл баримтлалд АНУ-ын тууштай дэмжлэг чухал байр суурь эзэлсээр ирсэн байна. Д.Трамп ерөнхийлөгч байх үед энэ дэмжлэг илүү бодитой болж, тайванчууд дунд нэр хүнд нь өссөн билээ.