Шинэ Зеланд улсад өнгөрсөн сард парламентын сонгууль болсон. Тус улсын шинэ парламент дэлхий дээрх хамгийн олон ястан үндэстэн, хүйс, бэлгийн чиг баримжаатай гишүүдээс бүрдсэн парламент болж байна. Ерөнхий сайд Жасинда Ардерн Гадаад хэргийн сайдаараа нутгийн уугуул Маори үндэстэн эмэгтэйг томилжээ. Энэ нь тул улсын хувьд анхны тохиолдол болсон байна.

Гадаад хэргийн сайд болсон Наная Махута нь 1996 онд анх парламентад сонгогдож байсан ба үүнээс өмнө орон нутгийн засаг захиргаанд ажиллаж байжээ. Тэрбээр дөрвөн жилийн өмнө нүүрэндээ Маори үндэстний уламжлалт шивээс хийлгэсэн бөгөөд тухайн хүний удам угсаа, нийгмийн гарал үүслийг илэрхийлдэг байна. Түүний хувьд Маоричуудын хааны удам угсаа юм.