Цана, чаргаар гулгаж байгаад бэртэж гэмтсэн 184 тохиолдол он гарсаар бүртгэгджээ. Үүний 102 буюу 55 хувь нь хүүхэд байна. Энэ талаар СХД-ийн Баруун салаа хариуцсан байгаль хамгаалагч Д.Төмөрбаатар "Хүүхдүүдийнхээ аюулгүй байдлыг хангаж, гулгуулах хэрэгтэй байна. Уулын орой дээрээс гулгаж байгаад хад асгад мөргөхөөс шалтгаалж маш олон хүүхдүүд бэртэж байна. Мөн хяналтгүйгээр нэг чарга дээр хүүхдээ хоёр, гурваар нь цуг суулгаад гулгуулчихдаг тохиолдол байна" гэв.

Тэгвэл хуванцар чарга хагарч, хүний бие рүү зоогдож гэмтэл учруулсан тохиолдол ч бүртгэгдэж байгаа талаар цагдаагийн байгууллагаас хэлж буй юм.