Архангай аймгийн Эрдэнэбулган сумын Цагдуулт багт иргэн Д нь энэ сарын 07-ны 16:15 цагийн орчимд гэрээсээ явган гараад сураггүй болсон тухай дуудлагыг 08-ны 17:15 цагт ирүүлсэн байна.
Тус аймгийн Онцгой байдлын газрын Эрэн хайх, аврах салбарын алба хаагчид, Цагдаагийн газрын алба хаагчид, ар гэрийнхэн иргэн Д /45 настай, эмэгтэй/-г эрэн хайх ажиллагааг 09-ний 10:45 цагт эхлүүлж, тухайн иргэний цогцсыг аймгийн төвөөс урд зүгт 6 км зайд Булган сумын Баянбулаг багийн “Сангийн толгой”-н гүүрний доороос 13:05 цагт олж, Цагдаагийн газарт шилжүүлэн өгчээ.
