Мал амьтны эрүүл мэндийн тухай, болон бусад холбогдох хууль, Засгийн газрын 224 дүгээр тогтоол, тэдгээрийг даган гарсан журам, заавар, стандартад заагдсан Мах, махан бүтээгдэхүүний үйлдвэрлэл, худалдааны техникийн зохицуулалтын шаардлагыг хангуулах зорилгоор “Мал төхөөрөх үйлдвэрт нянгийн бохирдлын хяналтын хөтөлбөр боловсруулах, хэрэгжүүлэх” сэдэвт онол, практик хосолсон сургалтыг 12 дугаар сарын 07, 08-ны өдрүүдэд зохион байгууллаа.

Сургалтыг Монголын үндэсний мал эмнэлгийн холбоо, Монголын махны холбоо ТББ, Мал эмнэлгийн сургууль, Нийслэлийн мал эмнэлгийн газартай хамтран зохион байгуулсан бөгөөд 12 аймаг, нийслэлийн мал төхөөрөх 48 үйлдвэрийн 52 малын эмч хамрагдаж, нянгийн бохирдлыг хянах, үнэлэх, шинжилгээний арга зүйг эзэмшүүллээ.