Эрүүл мэндийн яамнаас томуу, томуу төст өвчний талаар цаг үеийн асуудлаар мэдээлэл хийж байна.
--------------------------
ЭМЯ-ны Нийгмийн эрүүл мэндийн бодлогын газрын дарга Л.Баттөр
-Эмнэлэгт суурилсан тандалтын нэгжүүдэд ирсэн мэдээллээр 9643 хүн хэвтэн эмчлүүлж байгаагаас 3087 нь буюу 32 хувь амьсгалын замын цочмог хүнд халдвар оноштойгоор хэвтэн эмчлүүлж байгаа юм. Томуу, томуу төст өвчний хүндрэл нь амьсгалын замын цочмог хүнд халдвар байдаг. Хатгалгаа болон бусад хүндрэлүүд бий. Гол үзүүлэлт нь, өнгөрсөн оны үетэй харьцуулахад 10 орчим хувиар илүү байна. Энэ бол бидний анхаарч үзэх ёстой зүйл. Томуу, томуу төст өвчнөөр өвчлөгсдийн 47.1 хувь, амьсгалын замын цочмог хүнд халдварын 72 хувь нь тав хүртэл насны хүүхдүүд байгаа юм.
