ГССҮТ, ХСҮТ-ийн ерөнхий мэс заслын эмч нар хамтран эрхтэн хадгалах мэс заслыг энэ сарын 21-нд амжилттай хийжээ.
ЭМЯ-ны мэдээлснээр, эмчлүүлэгч 28 настай, эрэгтэйн баруун талын атгаал ясны дээд хэсгийн хорт хавдрыг авч баруун талын атгаал ясыг тайран мөрний үеийг сольсон эрхтэн хадгалах мэс засал хийсэн байна. Мөн ГССҮТ сүүлийн 10 жилд нэлээд олон шинэ технологийг Монголд амжилттай нутагшуулсан. Тухайлбал, түнхний хиймэл үеийг хагас, бүтнээр солих, өвдөгний хиймэл үеийг хагас, бүтнээр солих, өвдөг, түнхний дурангийн мэс засал хийдэг болсон байна.
