Долоо хоногийн өмнө Хөвсгөлийн Галт суманд 5.6 магнитудын хүчтэй газар хөдлөлт болсон бол өнөө өглөө 06:16 цагийн орчимд Ханх суманд дахин 5.6 магнитудын хүчтэй газар хөдлөлт болсон. Он гарснаас /2024.01.01-12.05/хойш өнөөдрийг хүртэл хилийн бүс орчимд нийт 38 мянга 304 удаа газар хөдлөлт болсон бол манай улсын нутаг дэвсгэрт 22 мянга 610 удаа газар хөдлөлт бүртгэгджээ. Нарийвчлан задалбал, 3.5-4.4 магнитудын хүчтэй 36 удаа, 4.5-5.6 магнитуд 4 удаа болжээ.
