Улс төрийн намын тухай хууль /Шинэчилсэн найруулга/-ийг дагаж мөрдөх журмын тухай хуулийн төслийг Засгийн газраас өргөн бариад буй билээ. Үүнтэй холбоотойгоор Улс төрийн намуудын дарга, төлөөллүүд мэдээлэл хийлээ. Энэ үеэр БНН-ын дарга Б. Жаргалсайхан дараах байр суурийг илэрхийлсэн юм. Тэрбээр "Намын хуулийг хойшлуулна. Бид нарыг гудамжинд гаргаж, хэн ч биш болгох гэж байхынхаа оронд наад төсвөө аятайхан хэлэлцэх хэрэгтэй. АН-ынхан ардчилал ярьчихаад дандаа ардчилал руугаа хутгалж байх юм" гэв.