Аргентинд коронавирусний халдвар авсан хүний тоо нэг саяд хүрсэн тухай тус улсын Эрүүл мэндийн яам мэдээлжээ. Аргентин нь “COVID-19” халдвар авсан хүний тоо нь нэг сая давсан тав дахь орон болсон бөгөөд АНУ, Энэтхэг, Бразил, ОХУ тус улсын өмнө бичигдэж байна.

Эрүүл мэндийн яамны мэдээлснээр, Аргентинд сүүлийн 24 цагийн хугацаанд халдварын 12982 тохиолдол шинээр илэрснээр халдвар авсан хүний нийт тоо 1002662-т хүрчээ. Аргентинд тухайн хугацаанд халдварын улмаас нас барсан хүний тоо 451-ээр нэмэгдсэн байна. Ингэснээр халдвараар нас барсан хүний тоо 26716 болжээ.