БНСУ-ын алдарт жүжигчин Жун У Сун загвар өмсөгч Мүн Га Бигийн хүүгийн эцэг болохыг баталлаа гэж жүжигчний агентлаг ням гарагт мэдэгдсэн байна. Тодруулбал, загвар өмсөгч Мүн Га Би өнгөрсөн баасан гарагт цахим хуудсаараа хүүтэй болсноо зарласан ч хүүгийнхээ эцгийн талаар огт мэдээлээгүй. Харин жүжигчин Жун У Суны харъяалагддаг агентлагаас мэдэгдэл гаргахдаа "Загвар өмсөгч бүсгүйн сошиал хаягтаа танилцуулсан хүүхэд Жун У Суны хүү мөн. Хосууд одоо хүүхдээ хүмүүжүүлэх хамгийн сайн арга замын талаар ярилцаж байна" гэж бичжээ.

Мөн жүжигчин "Үүрэг хариуцлагаа биелүүлнэ" гэсэн ч тэд цаашдаа амьдрах, гэрлэх төлөвлөгөөгүй гэж мэдэгдэлд дурдсан байна. Улмаар энэ талаар дэлгэрэнгүй мэдээлэл өгөхөөс татгалзсан аж.

Эх сурвалж: Yonhap news