1988 оноос эхтэй Монголын хувцас загварын тэргүүн дээд "Гоёл" наадмын оны шилдгүүдийг шалгаруулах Гала тоглолт Shangri La Ballroom-д зохион байгуулагдлаа. “Гоёл-2025" наадмын "ТОП МОДЕЛЬ”-оор А.Хулан тодорсон байна.

Хамгийн анх 2001 онд “Топ модель” гэх өргөмжлөл хүртээхэд мөнхийн залуу тодотголтой Э.Одгэрэл, мөн Азийн топ Д.Болормаа нар анхдагч болж байв. Тэгвэл топ тодроогүй цор ганц наадам нь “Гоёл-2016” юм. Харин өнгөрсөн жилийн отгон топ моделиор загвар өмсөгч А.Сайхантамир тодорсон билээ.