1988 оноос эхтэй Монголын хувцас загварын тэргүүн дээд "Гоёл" наадмын оны шилдгүүдийг шалгаруулах Гала тоглолт өнөөдөр ShangriLa зочид буудалд болно. Тус наадам энэ сарын 21-нд эхэлсэн бөгөөд хувцас загварыг тайзнаа танилцуулах арга хэмжээ хоёр өдрийн турш үргэлжилсэн юм.
Харин өнөөдөр буюу наадмын сүүлийн өдөр,
- ГРАН-ПРИ Дизайнер
- ТОП Модель
- Шилдэг Дизайнер
- Шилдэг Залуу Дизайнер
- Наадмын тусгай шагналт Дизайнер
- Шилдэг эрэгтэй загвар өмсөгч
- Шилдэг эмэгтэй загвар өмсөгч
- Шилдэг Фото Модель
- Шилдэг Загвар зохион бүтээх Товчоо
- Шилдэг Нүүр будагч
- Шилдэг Үс засалч
- Ивээн тэтгэгчийн тусгай шагналуудыг гардуулах юм.
Хамгийн анх 2001 онд “Топ модель” гэх өргөмжлөл хүртээхэд мөнхийн залуу тодотголтой Э.Одгэрэл, мөн Азийн топ Д.Болормаа нар анхдагч болж байв. Тэгвэл топ тодроогүй цор ганц наадам нь “Гоёл-2016” юм. Харин өнгөрсөн жилийн отгон топ моделиор загвар өмсөгч А.Сайхантамир тодорсон билээ.
