УИХ-ын гишүүн Б.Энхбаяр 2025 оны Монгол Улсын Төсвийн тухай хуулийг эцэслэн баталсан хуралдааны тэмдэглэл, гар санал хураалтын дүн, чуулганы танхимд тухайн үед байсан, санал өгсөн дүрсийг баримтжуулж авахаар УИХ-ын Тамгын газарт хандлаа. Тэрбээр цахим хуудсаараа дамжуулан дөнгөж сая ийнхүү мэдэгдлээ.

Сануулахад, өнгөрсөн баасан гарагт хуралдсан УИХ-ын чуулганы хуралдааны үеэр ирэх 2025 оны төсвийг эцэслэн баталсан билээ. Ингэхдээ танхимд байсан гишүүдээр гар өргүүлж, санал хураалт явуулсан байдаг. Улмаар УИХ-ын гишүүн Ч.Лодойсамбуу, С.Ганбаатар нар татгалзсан санал өгсөн юм.