Жижиг дунд үйлдвэрийн газрын дарга Я.Эрдэнэсайхан улсын төсвийн хөрөнгийг захиран зарцуулахдаа хууль зөрчсөн гэх баримт мэдээлэл цацагдаад буй. Тэрбээр өнгөрсөн хавар ЗГХЭГ-ын даалгавраар “Шинэ хоршоо хөдөлгөөн”-ийг сурталчлах нэрээр 2.1 тэрбум төгрөгийг захиран зарцуулжээ. Ингэхдээ 1.78 тэрбум төгрөгөөр 10 хэвлэл мэдээллийн байгууллагатай шууд гэрээ байгуулсан бол Шинэ хоршоо хөдөлгөөн"-ийг сурталчилсан сэтгүүл, хоршооны сайн туршлагыг тусгасан каталоги, стикер, уут, сонин хэвлүүлэх ажилд 362. сая төгрөг төсөвлөсөн зэрэг мэдээлэл нь анхаарал татаж буй.

Түүнийг өнөөдөр албан үүргээс нь чөлөөлсөн эсэх талаар Жижиг дунд үйлдвэрийн газраас тодруулахад “Албан тушаалаас нь огцруулаагүй, ажиллаж байна” гэх мэдээллийг өглөө.