Италийн "Ювентус" клубын болон Португалийн шигшээ багийн довтлогч Криштиану Роналдо коронавирусээр халдварласан гэж Португалийн хөлбөмбөгийн холбооны хэвлэлийн алба мэдээлжээ.
Түүний биеийн байдал нь сайн байгаа бөгөөд түүнийг тусгаарлаад буй. Бусад тоглогчийн шинжилгээний дүн сөрөг гарсан учир бэлтгэлээ үргэлжлүүлэх боломжтой аж. Үндэстнүүдийн лигийн дөрөвдүгээр тойрогт португальчууд лхагва гарагт Шведийн багтай учраа таарах бөгөөд энэ тоглолтод Роналдо оролцохгүй аж.
Роналдо үндэсний шигшээ багийн шилдэг довтлогч юм. Тэрбээр 167 тоглолтод 102 гоол оруулж байсан бөгөөд энэ үзүүлэлтээрээ Ираны багийн хөлбөгбөгчин Али Даеигийн дараа ордог байна. “Алтан бөмбөг”-ийн таван удаагийн эзэн Роналдо 2016 онд Португалийн шигшээ багийн бүрэлдэхүүнд Европын аварга болж байснаас гадна 2019 онд Үндэстнүүдийн лигийн аварга болж байсан юм.
