УИХ-ын намрын ээлжит чуулганы өнөөдрийн нэгдсэн хуралдаанаар Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүдийн хоёр дахь хэлэлцүүлгийг хийлээ.

Тодруулбал, Монгол Улсын 2025 оны төсвийн тухай хуулийн төслийн хүрээнд Байнгын хороодоос зарчмын зөрүүтэй 52 санал гарсан бол УИХ-ын чуулганы өнөөдрийн хуралдаанаар санал хурааж дууслаа. Ингэснээр Төсвийн төсөл болон хамт өргөн мэдүүлсэн хууль болон тогтоолын төслийг гурав дахь хэлэлцүүлэгт шилжүүлж байна.