Францын нийслэл Парис хотноо зохион байгуулагдаж буй зуны 33 дахь удаагийн олимпын наадам үргэлжилж байна. Өчигдөр жүдо бөхийн эмэгтэйчүүдийн -52 кг-ын жинд ОУХМ Л.Сосорбарам шөвгийн 16-д шалгарч, барилдаанаа хийж ялагдал хүлээсэн. Гэвч дэвжээнээс буух агшинд түүнийг дасгалжуулагч М.Бундмаатай зүй бус харьцсан хэмээн олон нийт шүүмжлээд байсан. Үүнтэй холбоотойгоор тэрбээр эл үйлдэлдээ уучлал хүсчээ. Тэрбээр "Биеэ барьж чадалгүй зохимжгүй үйлдэл гаргажээ. Багшаасаа болон монголчуудаасаа уучлалт хүсье" гэжээ.