Батлан хамгаалахын сайд Г.Сайханбаярыг Цэргийн төв эмнэлгээс 50 тэрбум төгрөг авч сонгуульд зарцуулсан гэх мэдээлэл гараад буй. Уг асуудалд Цэргийн төв эмнэлгийн удирдлагууд тайлбар мэдээлэл өглөө.

Тодруулбал, тус эмнэлгийн дарга, хурандаа Б.Энх-Од "... сайтад Цэргийн төв эмнэлэг 50 тэрбум төгрөг сонгуульд зарцуулжээ гэх мэдээлэл гарсан. Ийм мэдээлэл гарсанд харамсаж байна. Энэ бол үндэслэлгүй мэдээлэл. Манай эмнэлэг ЭМДЕГ-аас санхүүждэг. Ингэхдээ 20 тэрбум төгрөгөөр санхүүжилт авдаг. Тэгэхээр бидний 2 жилийн мөнгийг сонгуульд зарцуулжээ гэсэн мэдээлэл гарсан нь маш харамсалтай байна. Бид энэ мэдээллийг гаргасан сайт болон сайтын сэтгүүлчийг хуулийн байгууллагад шалгуулахаар өгч байгаа" гэлээ.