Монгол Улсын Шадар сайд, УОК-ын дарга С.Амарсайхан үерийн асуудлаар мэдээлэл өглөө.
Тэрбээр:
-Улаанбаатар хотын удирдлагууд эрсдэлтэй бөгөөд зайлшгүй буулгах ёстой газруудыг хуулийн хүрээнд буулгаад явж байна. 2 объект буулгасан. Нэг нь шүүхийн шатанд маргаантай яваа.
Нийслэлийн удирдлагууд үерийн эрсдэлийн эсрэг дорвитой арга хэмжээ авч ажиллаж байгаа гэж ойлгож байгаа. Үерийн аманд буусан барилгыг нүүлгэхээс эхлээд үерийн далан сувгийг чөлөөлөх, урсцыг нь сайжруулах, далан сэтрэхгүй байхтай холбоотой ажлуудыг хийж байгаа гэсэн мэдээллүүдийг байнга ирүүлж байгаа. Хоёрдугаарт өнгөрсөн хугацаанд нийслэлийн хэмжээнд үерийн аман дээр буусан 2000 гаруй айл, өрх ААН-үүдийг нүүлгэсэн. Үүнээс болж үерт өртсөн. Иргэд амь насаараа хохирсон. Асар их эд хөрөнгөөрөө хохирсон. Тиймээс энэ эрсдэлийг давтахгүйн тулд өнгөрсөн зунаас хойш 2000 гаруй айл өрхийг нүүлгэсэн. Үндсэндээ цэгцэрч байгаа.
