Дорнод аймгийн Баяндун сумын иргэн Б цогтой үнсээ ил задгай асгаснаас үүдэн түймэр гарчээ. Байгаль экологи эдийн засгийн үнэлгээгээр 353 сая төгрөгийн хохирол учруулсан болох нь тогтоогдсон байна.

Улмаар цагдаагийн байгууллагаас иргэн Б-г Эрүүгийн хуулийн тусгай ангийн 24.7 дугаар зүйлийн 1 дэх хэсэгт зааснаар хэрэг үүсгэн мөрдөн шалгах ажиллагаа явуулж, хэргийг шүүхэд шилжүүлжээ.

Эрүүгийн хуулийн 24.7.1-т "Гал, шатамхай зүйлтэй болгоомжгүй харьцсаны улмаас ой, хээрийн түймэр гарч хүний бие махбодод хүнд хохирол учирсан, хүний амь нас хохирсон, их хэмжээний хохирол учирсан бол нэг жилээс таван жил хүртэл хугацаагаар хорих ял шийтгэнэ" гэж заасан байдаг.