Баянзүрх дүүргийн 21 дүгээр хороонд тоосгоны үйлдвэрлэл эрхлэгч “Скорпион сервис” ХХК-ийн үйл ажиллагаанд Мэргэжлийн хяналтын ерөнхий газар болон цагдаагийн газраас шалгалт хийсэн байна. Тус шалгалтаар Агаарын тухай хууль, “Түүхий нүүрс хэрэглэхийг хориглох тухай” Засгийн газрын 2018 оны 62 дугаар тогтоолыг зөрчин тоосго шатаах зуух, ахуйн зуухандаа түүхий нүүрс түлж байсныг илрүүлжээ. Иймд Зөрчлийн тухай хуулийн 7.4 зүйлийн 1.3 дахь хэсэгт заасны дагуу торгууль ногдуулж, эрх бүхий албан тушаалтны албан даалгавар хүргүүлсэн байна.