Төвийн бүс буюу Дархан-Уул, Төв, Сэлэнгэ аймгийн талаар Хүний эрхийн үндэсний комиссын Дархан-Уул аймаг дахь референт Э.Болортуяа өглөө. Тэрбээр:

-Гэр бүлийн хүчирхийллийн гэмт хэрэг Сэлэнгэ аймагт 2023 онд 383 буюу өмнөх оноос 63 зөрчлөөр нэмэгдсэн. Мөн бүсийн хэмжээнд байнгын хүчирхийлэлтэй гэр бүл 541, байнгын архины хамааралтай гэр бүл тоо 510 байна. Төвийн бүсийн хэмжээнд Дархан-Уул, Сэлэнгэ аймагт гэрч хохирогчийг хамгаалах стандартын дагуу түр хамгаалах байртай. Харин Төв аймагт гэрч, хохирогчийг хамгаалах стандартын шаардлага хангасан байр байхгүй.

Өөрөөр хэлбэл, Төв аймгийн Цагдаагийн алба хаагчдын амрах зориулалттай буудлын 2 өрөөг түр хамгаалах байрын зориулалтаар ашиглаж байна.

Хүний нөөц, төсөв санхүү байхгүй учир цагдаагийн газрын Гэр бүлийн хүчирхийлэлтэй тэмцэх хүүхдийн эрхийн улсын байцаагч нь гэрч, хохирогчийн аюулгүй байдлыг нь хангах үүргийг хэрэгжүүлж байгаа нь тулгамдсан асуудал болж байна