Хөдөлмөр, нийгмийн хамгааллын сайд А.Ариунзаяа Швейцарын хамтын ажиллагааны агеннтлаг, консулын газрын дарга Стефан Бурриг хүлээн авч уулзлаа.

Уулзалтаар хөдөө аж ахуй, үйлчилгээний салбарт хамтран ажиллах. Тэр дундаа мэргэжлийн сургалт үйлдвэрлэлийн төв, политехник коллежид малчин бэлдэх мэргэжлийн анги нээх талаар санал бодлоо солилцжээ. Мөн сүү, сүүн бүтээгдэхүүн боловсруулах цаашлаад Швейцарын сүү, бяслагийн үйлдвэрлэлээс жишээ авч эх орондоо нэвтрүүлэх зэрэг өргөн хүрээнд санал солилцлоо. Мөн төр, хувийн хэвшлийн хамтын ажиллагааг  сайжруулж нягт хамтран ажиллахаар болов.